Connect with us

Intellectual

Prakashit

Published

on

Sach ka aks dhunda jab,
To bahuroop nazar aaye kayi,
Jeeta hai koi inhe jhooth samajhke,
To pratibimb lagta hai maya iska kabhi..

Chalava to nahi ye,
Sochke mann darta hai,
Iske sansar ke neeyam alag hai,
Koi ispe hasta hai,
To kisipe ye hass deta hai..

Bhram hai ye,
Ya koi nirmalta ka sagar,
Apne bas me ho to sukoon deta hai,
Warna pyaar bhi iska jaal sa lagta hai..

Khoob tarange hai iski,
Bhaanti kayi,
Kabhi kinare ki ore le chalta hai,
To kabhi keher ban jata hai..

Kudrat hai iska alag,
Zindagi isme ya nirjar sahi,
Kabhi ghata banke barse,
To phool khilati hai,
Bin mausam barse to,
Baadh lati hai..

Ye iska antt (अंत) nahi,
Isme jeevan ki parchai hai,
Gale lagalo bina dare,
Fir ye khushi nahi or na dukh bhi..

Chalta rehta hai,
Nischal hai,
Yahi sach ki pravrati (प्रवृति) hai,
Akal hai ye,
Jisme puri duniya samai hai,
Jhoom lo isme besud hoke,
To gam bhi lage ek aazmaish hai..

Isse koi bacha nahi,
Bhavarth iska koi samjha nahi,
Kabhi chalak jata aansu banke,
To hasi me bhi iski sachchai hai..

Nazariye se bayan ho jata hai,
Mai sach hu,
Par tu bhi galat nahi,
Jiske sath reh jaye,
Wahi uska aadi hai,
Pakadle uska daaman tu bhi,
Niswaarth chalega wo,
Mai me iske mat chal,
Sathi iske kayi hai..

Jahnabee is an Independent working lady, Pet lovers, travel freak, music mind, culinary explorer, an extrovert and at the very core…a poet.

Continue Reading
Click to comment

Leave a Reply

Your email address will not be published.

Like Us!